ازاي اصمم موقع

ازاي اصمم موقع طبعا السؤال ده  بيجي في  بالك  كتير و خصوصا لو   

عندك فكره  جديده  لموقع  الكتروني  و  مش  عارف  ازاي  تنفذها ؟

عايذ  تتعلم  تصميم المواقع  بس  مش عارف  تبدا  منين و  بقالك  كام  ساعه  و كام يوم  بدور  و مش  لاقي طلبك ؟

انشاء الله  انا  و  انت هنتعلم  مع  بعض  ازاي  نصمم موقع  من الصفر  للحتراف  تابع  معانا كورس  (web design)

و انشاء الله  هتكون  محترف تصميم  المواقع  في  فتره  مش كبيره

انهارده هنتكلم علي 

1-ايه اللي يلزمني علشان اتعلم تصميم المواقع ؟

2-هاخد قد ايه علشان اتعلم تصميم المواقع ؟

3-اقدر اتعلم تصميم المواقع من غير  ما اكون متقن  انجليزي ؟

4-اللغات المطلوبه علشان اتعلم تصميم المواقع 

قبل  الاجابه  علي  الاسئله  اللي  فوق  دي  اسال نفسك كام  سؤال

انا عايذ  اتعلم  تصميم المواقع ليه ؟

ايه الهدف من تعلم  تصميم المواقع؟

عايذ  اتعلم تصميم المواقع ولا  تطوير المواقع 

1-ايه اللي  يلزمني  علشان  اتعلم  تصميم المواقع ؟

اول حاجه لازم  تعرفها انك  لازم يكون  عندك صبر
وبالنسبه لليلزمك  علشان  تتعلم  تصميم المواقع هما 3 حاجات

1. جهاز كمبيوتر او لاب توب

اكيد طبعا  لازم يكون في جهاز حاسوب متصل بالانترنت لتنزيل البرنامج اللي هنتكلم عليه كمان شويه

ومتصفح علشان  نستعرض عليه اللي كتبناه 

و هنسخدم الانترنت في البحث علي بعض  المعلومات المستخدمه في تصميم المواقع

2.محرر نصوص 

• وده في منه اتنين واحد بيبقي مع النسخه اسمه (notepad)
• والتاني محرر نصوص مخصص للشفرات البرمجيه منها 

1. sublime text
2. brackets
3. notepad++

ولكن انصح  لك  ما دمت مبتدا ان  تستخدم برنامج notepad++

لسهوله التعامل معه  و لكي تكون قادر  علي كتابه   شفرات  برمجيه بنفسك دون الاستعانه   بادوات تساعدك في ذلك لانه يبني منك مصمم مواقع محترف و ان ارد ان تستخدم مثل هذه البرامج لكتابه شفرات برمجيه فذلك بعد ان  تقوم بتعلم  كتابهتها 

بنفسك 

3.يكون عندك صبر و مثابره و متزهقش بسرعه 

2-هاخد قد ايه علشان اتعلم تصميم المواقع ؟

انشاء الله لو بقيت معانا  هتكون مده تعلمك تصميم المواقع تقريبا 3شهور تعلم و شهر واحد تطبيق بمعدل ساعتين في اليوم هنقسمها

ساعه تعليم و ساعه تطبيق

3-اقدر اتعلم تصميم المواقع من غير  ما اكون متقن  انجليزي ؟

هو يستحسن   انك تكون  عارف انجليزي علشان  هندور و نبحث عن  حبة حاجات في مواقع عالميه وبتكون بالانجيليزي بس لو مش عارف متقلقش هنا دورنا احنا  اننا نوصللك انك تعرف تصمم موقع من غير ما تكون عارف انجيليزي  بس ده ميمنعش انك  لازم تعرفه لان فيما بعد هتستخدمه كتير و لو مكنش لتصميم المواقع فهو لنفسك  انت قبل اي حاجه 

4-اللغات المطلوبه علشان اتعلم تصميم المواقع 

و طبعا  انت  محتاج  انك تتعلم اللغات اللي تاهلك انك تعمل موقع الكتروني بنفسك  و لنفسك اهم اللغات دي هي 3 لغات اللي ممكن نقول هما اساس تصميم المواقع و هما
1-html
2-css
 3-javascript

و هنتكلم عن كل  واحده فيهم بالتفصيل بعد كده في التدوينات الخاصه بيهم
انا  زي زيكم لسه بتعلم و حابب ان اللي بتعلمه  اني اشاركه معاكم عن طريق المدونه دي

وفي الاخر  اتمني اني  اكون  وصلتلك  معلومه  اللي  انت كنت  بدور  عليها بشكل  حلو  و  عامي و اني  مكنش  طولت عليك في الكلام  و لو  في اي ملحوظه او تعديل او في حاجه غلط  قولتها يا  ريت تتواصل معانا بخصوصها

ولو انت استفد من المعلومه  او الشرح  ده  ممكن  تعمل  شير للمدونه  او  علي الاقل  تعرف  صحابك  علي اللي  انت عرفته  باي طريقه  انت  عايذها  و شايفها  مناسبه ليك  

الكاتب : silver ring

عرف صحابك

مواضيع ذات صلة